Baydhabo(AGGM): Shil Gaari oo ay Dad ku dhinteen ayaa maanta ka dhacay Magaalada Baydhabo ee xaruunta Gobolka ,ka gadaal Markii ay isku Dhaceen Gaari ay Dadkaasi Saarnaayeen iyo Mooto Ama Dhug dhugleey.
Inta la xaqiijiyey Shilka Gaari ayaa waxaa ku Geeriyooday ugu yaraan Shan Ruux oo Haween ahaa,ayadoona ay ku dhaawacmeen Saddex kale.
Gaariga Shilka galay ayaa ahaa Gaari Nooho ah,kaas oo Dumar Aroos u socday ka soo qaaday Xaafada Bardaale ee Bartamaha Magaalada Baydhabo.
Dadkii ku Dhaawacmay Shilka Gaari ee ka dhacay Magaalada Baydhabo ayaa la dhigay Isbitaalka Guud ee Magaalada,sida ay noo sheegeen Saraakiisha Caafimaadka ee Degmada ku sugan.
Saraakiisha Ciidamada Ilaalada Wadooyinka ee Magaalada Baydhabo ayaa sheegay in ay Baarayaan Qaabka Shilka uu u dhacay.
Isha Allgalgaduud Allgalgaduud Media
Allgalgaduud@gmail.com
