Caabudwaaq (AGGM): Nin rayid ahaa ayaa maanta lagu dilay deegaanka Gadoon oo ka tirsan degmada Dhuusamarreeb ee xarunta gobolka Galgaduud.
Marxuumka oo lagu magacaabi jiray, Caydaruus Maxamed Siciid ayaa waxaa rasaas ku furay nin ka mid ah shacabka deegaanka, kaas oo ka baxsaday goobta.
Guddoomiyaha degmada Dhuusamarreeb, Macallin Cabdiraxmaan Cali Maxamed Geedaqoroow oo hor kacaya ciidan ka tirsan kuwa ammaanka ee degmada ayaa gaaray deegaanka Gadoon, wuxuuna u sheegay Warbaahinta in ay gacanta ku soo dhigi doonaan eedaysanaha, si loo horgeeyo sharciga.
Geedaqorow ayaa intaas ku daray in soo qabashada eedaysanaha ay gacan ka siinayaan dadka deegaanka oo ku soo wargaliyey halka uu ku sugan yahay, ayna ku raad joogaan.
Lama garanayo sababta loo dilay marxuumka, iyadoona ay deegaanka Gadoon horey uga dhaceen dilal loo geystay dad rayid ahaa.
Isha Ku Hay Allgalgaduud Media
allgalgaduud@gmail.com
