War Deg Deg Ah: Wararka hadda naga soo gaaraya magaalada Kismaayo ee xarunta gobolka Jubbada Hoose ayaa waxa ay sheegayaan in Ganacsade Cabdi Nuur Axmed “Cabdi Tanaq” dableey hubeeysan oo ka tirsan Maleeshiyo beeleedka Raaskambooni ay hadda rasaas ku huwiyeen guriga uu daganaa hortiisa.
Ganacsade Cabdi Nuur Axmed “Cabdi Tanaq” ayaa waxaa ku dhacday ugu yaraan 20 xababdood, waxaana hadda xaaladiisa Caafimaad lagula tacaalayaa Isbitaalka magaalada Kismaayo, Ganacsade Cabdi Tanaq waxa uu ahaa ganacsade si wayn looga yaqaano magaalada Kismaayo isaga oo ka ganacsan jiray Khaadka, Ganacsahan ayaa waxa uu u dhashay Beesha Sade.
Goobjooge ku sugan gudaha magaalada Kismaayo oo hadda la soo xiriiray warbaahinta Allgalgaduud Media ayaa waxa uu sheegay in xaalada Ganacsade Cabdi Tanaq ay tahay mid halis ah balse qadarta Alle ay meesheeda tahay.
Isku soo wada duuboo dilalka qorsheeysan ee lala beegsado ganacsatada iyo waxgaradka ka soo jeeda beesha Sade ee ku sugan magaalada Kismaayo ayaa ah wax aan cusbeeyn balse maalinba maalinta ka dambeeysa sii kordhaya, iyadoo dilalkaas loo aaneenayo inay si bareer ah u geeytaan maleeshiyo beeleedka Raaskambooni ee Beesha Ogaadeen.
Isha Ku Hay Allgalgaduud Media
allgalgaduud@gmail.com
