Columbus, Ohio (AGGM): Xaflada Mowliidka oo ah xaflad sanadwalba lagu qabto dalka Maraykanka waxaa sanadkan marti galiyay Culumada Ahlusuna ee magaalada Columbus Ohio iyada oo xaflada looga yimid meelo aad u kala fog fog oo dalka iyo dibadiisaba ah waxaana xaflada lagu qabta goobta uguweyn goobaha xafladaha lagu dhigo taas oo qaada in kabadan 3000 oo Ruux.
Kumanaan dad ah ayaa buuxdhaafiyay goobta Mowliidka Nabiga CSW lagu qabanayay waxaana ka hadley culumo waaweyn oo laga yaqaan dalka iyo dibada kuwaas oo 2dii cisho ee la soo dhaafay Muxaadarooyin ku aadan Mowliidka ka waday Masjidul Al-Raxma oo ah masaajidka Ahlusuna ee magalada Columbus.
Waa xafladii ugu balaadhnayd tan iyo inta la xasuusanyahay oo lagu qabto Columbus inkabada 3000 oo Ruux ayaa ka soo qeybgashay.
Culumada ayaa dadka u soo jeediyay ahmiyada maalinta mowliidku u leedahay muslimiinta iyaga oo ka sheekeeay taariikhdii Subaneheena Nabadgalyo Dushiisa ha ahaatee.
Waxa ay muxaadarooyinka iyo hadaladu ku baxayeen Luuqadaha English iyo soomaali iyada oo la soo bandhigay Doorka bulshada ee ku aadan Diinta, iyo in xiligan uu yahay xili aad u xun oo ay badanyihiin dhibaatooyinka dadka diintooda qal qal galinay.
Digri iyo xadro ayay culumado soo bandhigeen waxaana xafladan ay noqonaysaa xafladii ugu balaadhnayd ee Columbus Nooceeda lagu qabto.
Ilaa iyo maalinta isniinta ayay sii socondoonan Muxadarooyinka iyada oo dadka loga jawaabayo su’aalohooda dhanka diinta.
Deeqo SONNA
Isha Ku Hay Allgalgaduud Media
allgalgaduud@gmail.com
