Caabudwaaq(AGGM) Waxaa hadda bartmaha degmadda Caabudwaaq lagu toogtey laba nin dhalinyaro ah kaasi oo aan si rasmi ah loo ogeyn cidda dilkiisa ka dambeysa,waxaana la sheegayaa in niman hubeysan uu rasaas culus la beegsaday ninkaasi,waxaana dadka degmada caabudwaaq ku soo tooseen rasaasta ninkaasi lala dhacay.
Ciidamada amaanka degmada Caabudwaaq ayaa hadda hawlgallo xoogan ka wada gudaha degmada Caabudwaaq gaar ahaan meesha dilku ka dhacay,waxaana la sheegaya inaysan ciidamadasi ilaa iyo hada gacanta ku soo dhigin cidii dilkaasi ka dambeysay iyadoo aan wali si dhab ah loo ogeyn cidda dilkaasi fulisay.
Falkan dilka ah ayaa ah mid ay aad uga naxeen shacabka degmada Caabudwaaq,waxaana hadda shacabku tuman yihiin meeshii uu dilkaasi ka dhacay iyadoo ay la yaaban yihiin falkan noocan ee caawa ka dhacay degmada Caabudwaq iyadoo aysna magaalada ka dhici jirin dilalka noocaasi oo kale ahi.
Ugu dambeyntii ma jiran cid dilkaasi ciidamada amaanku u soo qabteen iyadoo la aaminsan yahay in kooxdii dilka fulisay ay ka baxsatay halkaasi,mana jiraan ilaa iyo hadda cid sheegatey inay dilkaasi ka dambeysay.
Isha Ku Hay Allgalgaduud
Allgalgaduud@gmail.com
