Sanca(AGGM) Xili dhawaan Wasaradda Horumarinta adeegga bulshada ee Xukuumada Soomaaliya, agaasinkeeda Waxbarashada ay deeqo waxbarsho ka heshay wadamada Sudan iyo Yemen ayaa Safaarada Soomaaliya ee wadanka Yemen, waxay bilawday diwaangalinta ardayda Soomaaliyeed ee dhamaysatay waxbarasha dugsiyada sare ee ku nool xorooyinka qoxootiga dalkaasi Yemen ku yaalla. .
Axmed Cabdi Xasan Qusulka guud ee Cadan oo la hadlay Radio muqdisho ayaa tilmaamay in safaarada Soomaaliya ee wadanka ay soo gaarayaan waalidiinta ardayda dhamaysatay dugsiyada sare ee dalkaasi ku yaalla ee aan awoodin in carruurtooda ay helaan waxbarasha heerka jaamacadeed ku waas oo doonay inay ubadkooda uga faa’iideeyaan fursadaha waxbarasho ee dawladda dhexe ee Soomaaliya ay ka heshay dalka dibediisa, taasi oo ay usoo marsiisay qunsuliyada Soomaaliya ee Cadan.
Qusulka ayaa daboolka ka qaaday in ardayda ka faa’iideysanayso deeqahaasi waxbarasho ee Yemen ku sugan ay imtixaanka geli doonaan dabayaaqada bishaan aynu ku jirno, isagoo intaa ku daray in marka Imtixaanka ay qaadaan kadib ay natiijooyinka u soo gudbin doonaan Wasaaradda Horumarinta adeega bulshada, waxaana uu meesha ka saaray in ay dhacdo musuq maasuq lagu sameeyo deeqahaasi.
Axmed Cabdi Xasan ayaa xusay in deeqaha waxbarasho ee ay helayaan ardayda Soomaaliyeed ee Yemen ku dhaqan aanu ahayn kuwa ku filan balse ay rajo weyn ka qabaan in deeqaha ay isa soo tari doonaan.
Dhawaan ayay ahayd markii qoxootiga Soomaalida ah ee ku nool wadanka Yemen ay Wasaaradda adeega bulshada Agaasinkeeda waxbarashada u qoondeysay 20 ka mid ah deeqo waxbarasho oo ay Wasaaraddu ka heshay dalka Yemen, taasi oo la doonayo in ay ka faa’iideystaan ardayda Soomaaliyeed ee Yemen ku nool.
Isha Ku Hay Allgalgaduud
Allgalgaduud@gmail.com
