Warsaxaafadeed:R/wasaare Saacid Oo Maanta Tababar U Soo Xiray 206 Ciidamo Boolis Ah Oo Dhameystay Tababar.*Daawo Sawirada*

0
IMG_9594 (2)Djibouti, (AGGM): Ra’iisal Wasaaraha Xukuumada Federaalka Soomaaliya Cabdi Faarax Shirdoon Saacid ayaa maanta tababar u soo xiray ciidamo Boolis ah oo ay tiradoodu gaareysay 206 kuwaasoo muddo 3 bilood ah tababar uga soconayay xerunta tababarka ee ciidaka Booliska ee Idiris Faarax Habane.
Ciidamadan oo loo tababaray ka hortaga rabshaddaha iyo isku dhacyada dadweynaha ayaa waxaa tababarkan siinayay tababarayaal Caalami ah, waxayna munaasabadan ku soo bandhigeen xirfadihii la baray.
Ra’iisal Wasaaraha oo munaasabadan ka hadlayay ayaa sheegay inuu ku faraxsan yahay in uu tababar u soo xiro ciidankan, wuxuuna kula dardaarmay inay ummadda Soomaaliyeed ugu adeegaan tababarada ay qaateen.
Ra’iisal Wasaaraha ayaa sidoo kale kormeeray qeybaha degaanka ee ciidanka, isaga oo mar kale uga mahadceliyay dawladda aanu walaalaha nahay ee Jabuuti daryeelka ciidankan, iyo sidoo kale dawladda Talyaaniga oo iyadu  bixisay dhaqaalaha ku baxay tababarka ciidankan.

Ugu dambeyntiina, Ra’iisal Wasaaraha iyo wafdigiisa ayaa ka soo dhoofay magaalada Jabuuti ee xarunta dalka Jabuuti oo booqasho labo cisho ah qaadatay uu ku joogay, waxayna gaareen magaalada Addis ababa ee xarunta dalka Itoobiya.

 

Garad Salad Hersi 
Press officer, PM office
Addis ababa, Ethiopia

Isha Ku Hay Allgalgaduud Media
allgalgaduud@gmail.com